கரூர் மாநகராட்சி பேருந்து நிலையம் கரூர் மாநகராட்சி பேருந்து நிலையத்திற்கு தினந்தோறும் ஏராளமான பயணிகள் வந்து செல்கின்றனர் மேலும் வேலைக்காக வெளியூரில் இருந்து வந்த நபரை அடையாளம் தெரியாத மர்ம நபர்கள் வயிற்றுப் பகுதி மற்றும் காது, கை என மூன்றுக்கும் மேற்பட்ட இடங்களில் கத்தியால் குத்தியும் உடலை கிழித்தும் அட்டகாசத்தில் ஈடுபட்டனர்.
கத்தி குத்து
மக்களின் நடமாட்டம் அதிகம் காணப்படும் முக்கிய சாலையில் அடையாளம் தெரியாத நபர்கள் ஒருவரை கத்தியால் குத்தி விட்டு அங்கிருந்து தப்பி ஓடிய சம்பவம் பெரும் பரபரப்பை ஏற்படுத்திய நிலையில் பாதிக்கப்பட்டவரின் மனைவி அவருடைய கணவரை காப்பாற்ற மக்களிடம் ஆம்புலன்ஸ் கூப்பிடுங்க என கூச்சலிட்ட நிலையில் காயம் ஏற்பட்ட இடத்தில் அவர் வைத்திருந்த துண்டினை வைத்து ரத்தத்தை அடைத்தார்.
அரசு மருத்துவமனை
இந்த சம்பவம் அப்பகுதியில் செல்லும் வாகன ஓட்டிகள் மற்றும் பேருந்துக்காக காத்திருந்த மக்களிடையே சோகத்தை ஏற்படுத்தியது மேலும் சம்பவ இடத்திற்கு வந்த ஆம்புலன்ஸ் மூலம் சிகிச்சைக்காக கத்திகுத்து வாங்கிய நபரை பொதுமக்கள் மருத்துவமனைக்கு அனுப்பி வைத்தனர்.
குற்றவாளிகளின் மீது நடவடிக்கை எடுக்க கோரிக்கை
கடந்த சில மாதங்களுக்கு முன்பு பட்டாகத்தி கலாச்சாரமும் கத்தி கலாச்சாரமும் இருந்தபோது மாவட்ட எஸ்பி மற்றும் காவல்துறையினர் சிறப்பு ரோந்து பணியில் ஈடுபட்டு குற்றங்களை கட்டுப்படுத்தி வருகின்றனர். பொறுப்பேற்ற எஸ் பி iபெரோஸ்கான் அப்துல்லா குற்றங்களை தடுக்க குற்றவாளிகளின் மீது அதிரடி நடவடிக்கை எடுக்க பொதுமக்கள் கோரிக்கை வைத்துள்ளனர்.
சிசிடிவி கேமராக்கள் ஆய்வு
மேலும் சம்பவ இடத்திற்கு வந்த போலீசார் அங்குள்ள சிசிடிவி கேமராக்களை ஆய்வு செய்து குற்ற சம்பளத்தில் ஈடுபட்ட மர்ம நபர்கள் குறித்து விசாரணை நடத்தி வருகின்றனர். மேலும் எதற்காக இந்த கத்திக்குத்து நடைபெற்றது கத்தி குத்து பெற்றவர் யார் என பல்வேறு கோணத்தில் தங்களது விசாரணையை தொடங்கியுள்ளனர்.
போக்குவரத்து நெரிசல்
மக்களின் நடமாட்டம் அதிகம் உள்ள சாலையில் இது போன்ற சம்பவம் நடந்தது பெரும் அதிர்ச்சியையும் அச்சத்தையும் ஏற்படுத்தியுள்ளது. அங்கு சிறிது நேரம் போக்குவரத்து நெரிசல் ஏற்பட்ட நிலையில் போலீசார் போக்குவரத்தை சீர் செய்து வாகனங்களை அனுப்பி வைத்தனர்
