தயாநிதி மாறன் வலியுறுத்தல்
அப்படி பார்த்தால் 95 சதவீதத்திற்கும் அதிகமான தொகையை செலவு செய்துள்ளேன். எனவே பொய்யான தகவல்களை பரப்ப வேண்டாம். எடப்பாடி பழனிசாமி பேசியது தனது பெயருக்கு களங்கம் ஏற்படுத்தும் வகையில் இருக்கிறது. ஆகையால் அவர் மீது குற்றவியல் அவதூறு சட்டப் பிரிவுகளின் கீழ் நடவடிக்கை எடுக்க வேண்டும் என்று வலியுறுத்தினார்.
நேரில் ஆஜராகவில்லை
இந்த வழக்கு இன்றைய தினம் நீதிபதி ஜெயவேல் முன்பு விசாரணைக்கு எடுத்துக் கொள்ளப்பட்டது. தயாநிதி மாறன் இன்று ஆஜராகுமாறு நீதிபதி கடந்த முறை உத்தரவிட்டிருந்தார். ஆனால் ஆஜராகவில்லை. அவருக்கு பதிலாக வழக்கறிஞர் ஆஜராகியிருந்தார். இந்த சூழலில் எடப்பாடி பழனிசாமி தரப்பில் மனு ஒன்று தாக்கல் செய்யப்பட்டது.
எடப்பாடி தரப்பில் மனு
அதில், தயாநிதி மாறன் தொடர்ந்த வழக்கில் இருந்து தன்னை விடுவிக்க வேண்டும். இந்நிலையில் வழக்கை அக்டோபர் 16ஆம் தேதிக்கு ஒத்திவைத்து நீதிபதி உத்தரவிட்டார். அன்றைய தினம் இந்த வழக்கு விசாரிக்க உகந்ததா, இல்லையா? என்பது குறித்து முடிவு செய்யப்படும் எனத் தெரிகிறது. மேலும் எதிர் தரப்பில் இருந்தும் சில வாதங்கள் முன்வைக்கப்பட வாய்ப்புள்ளது.
