கோவை மாவட்டத்துக்கு அருகே இருக்கும் திருப்பூரில் தினந்தோறும் சுற்றுலாப்பயணிகள் வருகை தந்த வண்ணம் உள்ளனர்.
திருப்பூரில் உள்ள சுற்றுலா தலங்களுக்கும் சென்ற வண்ணம் உள்ளனர்
கோவை மாவட்டத்துக்கு வரும் மக்கள் திருப்பூரில் உள்ள சுற்றுலா தலங்களுக்கும் சென்ற வண்ணம் உள்ளனர். அதனடிப்படையில் திருப்பூரில் சுற்றுலாத்துறை சார்பில் பல்வேறு நடவடிக்கைகள் எடுக்கப்பட்டு வருகிறது.
ஆண்டிபாளையம் ஏரியினை சுற்றுலா தளமாக மேம்படுத்தி படகு சவாரி
திருப்பூர் மாவட்டம் மங்கலம் சாலையில் உள்ள ஆண்டிப்பாளையம் குளத்தில் தமிழ்நாடு சுற்றுலா வளர்ச்சி கழகம் சார்பில் ஆண்டிப்பாளையம் ஏரியினை சுற்றுலா தளமாக மேம்படுத்தி படகு சவாரி, நீர் விளையாட்டுகள் மற்றும் பார்வையாளர் மாடம் போன்றவற்றை அமைப்பதற்கு கடந்த 2022-23 ஆம் ஆண்டு அறிவிப்பு வெளியிடப்பட்டு கடந்து 2023-ம் ஆண்டு ஏப்ரல் மாதம் முதல் பணிகள் அனைத்தும் தீவிரமாக நடைபெற்று வருகிறது.
சுற்றுலா வசதிகள் எதுவும் இல்லாத நிலையில் ஆண்டிபாளையம் குளம் தேர்வு
திருப்பூர் போன்ற மக்கள் நெருக்கம் மிகுந்த இடங்களில் சுற்றுலா வசதிகள் எதுவும் இல்லாத நிலையில் ஆண்டிபாளையம் குளம் தேர்வு செய்யப்பட்டு சுற்றுலா தலமாக மேம்படுத்தும் பணி நடைபெற்று வந்தது. முதற்கட்டமாக 20 படகுகளுடன் படகு இல்லம் தொடங்கப்படும் என தெரிவிக்கப்பட்டுள்ளது.
வரவேற்பை பொறுத்து விரிவுபடுத்தப்படும்
அதற்கேற்ற வரவேற்பை பொறுத்து விரிவுபடுத்தப்படும் என எதிர்பார்க்கப்படுகிறது. மேலும் ஆண்டிபாளையம் குளம் சுற்றுலாத்தலமாக மாற்றப்படும் போது அதிக மக்கள் இதனை பயன்படுத்த தொடங்குவார்கள் என்று எதிர்பார்க்கப்படுகிறது.
1.5 கோடி ரூபாய் செலவு
இந்த ஏரியில் படகு குழாம் சுமார் 1.5 கோடி ரூபாய் செலவில் அமைக்கப்பட்டுள்ளது. எப்போது தொடங்கப்படும் என்று சுற்றுலாத்துறை சார்பில் விரைவில் அதிகாரப்பூர்வமாக அறிவிக்கப்படும் என்று எதிர்பார்க்கப்படுகிறது.
தனியார் துறை சார்பில் பராமரிக்கப்படும்
இந்த படகு குழாம் தனியார் துறை சார்பில் பராமரிக்கப்படும் என கூறப்படுகிறது. இது எப்போது திறக்கப்படும் என்று திருப்பூர் மக்கள் அனைவரும் எதிர்பார்த்து காத்துக்கொண்டுள்ளனர். திறக்கப்பட்ட உடன் மக்கள் படகில் பயணம் செய்ய ஆர்வமுடன் இருந்து வருகின்றனர்.
