கொல்கத்தாவில் உள்ள அரசு மருத்துவமனை ஒன்றில் இரவு பணியில் இருந்த பயிற்சி பெண் மருத்துவா் பாலியல் வன்கொடுமை செய்யப்பட்டு கொலை செய்யப்பட்டார். இதனை கண்டித்து மாணவா் அமைப்பினா் நாடு தழுவிய போராட்டம் நடத்தி வருகின்றனா்.
இதற்கிடையே மருத்துவா் கொலைக்கு பொறுப்பேற்று முதலமைச்சா் பதவியை ராஜினாமா செய்ய வேண்டும் என மம்தா பானா்ஜிக்கு எதிராக மாணவா்கள் அமைப்பினா், எதிர்க்கட்சிகள் வலியுறுத்தி வந்தனா். அப்போது மேற்கு வங்கத்தில் பாலியல் குற்றங்களில் குற்றவாளிகளுக்கு 7 நாட்களுக்குள் மரண தண்டனை விதிக்கும் வகையில் மசோதா நிறைவேற்றப்படும் என மம்தா பார்ஜி ஆவேசமாக பேசி இருந்தார்.
இந்த நிலையில் மேற்கு வங்ச சட்டமன்றத்தில் இதற்கான சட்ட மசோதாவை அதிரடியாக தாக்கல் செய்துள்ளார். பாலியல் வன்கொடுமையில் பாதிக்கப்பட்டவா் உயிரிழந்தார், குற்றவாளிக்கு மரண தண்டனை வழங்க மசோதா தாக்கல் செய்யப்பட்டுள்ளது. மேலும் மாவட்ட அளவில் பெண்கள் பாதுகாப்பை உறுதிப்படுத்தும் வகையில் சிறப்பு விரைவுப்படை அமைக்க இந்த மசோதா வழிவகை செய்யும் என கூறப்படுகிறது. மேற்கு வங்க முதலமைச்சா் கூறியதுபோல் பாலியல் குற்றவாளிகளுக்கு எதிரான சட்டமசோதாவை தாக்கல் செய்து இருந்தார்.
கடுமையா விவாதங்களுக்கு இடையே அந்த மசோதா நிறைவேற்றப்பட்டது. இதையடுத்து சட்டசபையில் முதலமைச்சா் மம்தா பார்ஜி பேசுகையில், ” மேற்கு வங்கத்தில் பெண்கள், குழந்தைகளுக்கு எதிரான பாலியல் குற்றங்களில் ஈடுபடுபவா்கள் மீது கடுமையான நடவடிக்கை எடுக்கப்படும்.
பாலியல் குற்றங்களில் உயிரிழப்புகள் ஏற்பட்டால், குற்றவாளிக்கு மரண தண்டனையும், பாலியல் வன்கொடுமை அல்லது கூட்டு வன்கொடுமைக்கு பெண் ஆளாக்கப்பட்டது உறுதியானால், குற்றவாளிகளுக்கு சாகும் வரை அயுள் தண்டனை விதிக்கப்படும்.
பாஜக ஆளும் மாநிலங்களில் பெண்களுக்கு எதிரான பாலியல் வன்கொடுமை சம்பவங்கள் அதிகரித்து உள்ளது. மேற்கு வங்கத்தில் பாலியல் குற்றங்களில் ஈடுபடுபவா்கள் மீது கடுமையான நடவடிக்கை எடுக்கப்படகிறது. இந்த மசோதா பாலியல் குற்றங்களில் உள்ள தண்டனை சட்டங்களின் ஓட்டைகளை அடைக்க உதவும்” என்று கூறினார்.
மேலும் பாலியல் குற்றவாளிகளுக்கு எதிரான சட்ட மசோதா நிறைவேற்றப்பட்ட நிலையில், ஆளுநா் ஒப்புதலுக்கு அனுப்பி வைக்கப்படுகிறது. மாநிலத்தின் நலன் கருதி அந்த மசோதாவுக்கு உடனடியாக ஒப்புதல் அளிக்கும்படி மம்தா பானா்ஜி கூறி உள்ளார்.
