கர்ப்பப்பை அடி இறக்கம் ஏன் உண்டாகிறது?
கர்ப்பப்பை தாங்கி பிடிப்பது தசைநார்கள் தான். இவற்றோடு pelvic floor muscles என்னும் இடுப்பின் அடிப்பகுதி தசைநார்களும் பலவீனமாகும் போது கர்ப்பப்பை அடி இறக்கம் வரலாம்.
வயதானவர்கள்
ஒன்றுக்கு மேற்பட்ட சுகப்பிரசவம்
கர்ப்ப்பப்பை அறுவை சிகிச்சை செய்து கொண்டவர்கள்
சிலர் பிறக்கும் போதே குறைபாடு கொண்டிருக்கலாம்.
intra abdominal pressure போன்ற நிலையில் கர்ப்பப்பை அடி இறங்கலாம். ( தொடர்ச்சியாக பளு தூக்குதல், புகைப்பழக்கம், இருமல் , முக்கி மலம் கழிப்பது கருப்பப்பை அடி இறக்கம் ஆக காரணம் ஆகலாம்.
சுகப்பிரசவம் ஆகும் போது குறிப்பாக அடுத்தடுத்து குழந்தை பெற்றுகொள்ளும் போது தசை பலவீனமாகலாம்.
சுகப்பிரசவம் என்னும் போது நீண்ட நாட்கள் வலி இருந்து பிறப்பது.
குழந்தை அதிக எடையில் இருந்தால் அல்லது vacuum delivery நிலையில் கர்ப்பப்பை அடி இறக்கம் உண்டாகலாம்.
கர்ப்பப்பை அடி இறக்கம் அறிகுறிகள் எப்படி இருக்கும்?
தும்மும் போது இருமும் போது வயிற்றில் இருந்து கட்டி இறங்குவது போன்ற உணர்வு இருக்கும்.
சிலருக்கு சாதாரணமாக படுத்துகொண்டிருக்கும் போதே இந்த உணர்வு இருக்கும்.
தசைநார்கள் தளர்வதால் பின் முதுகு வலி இருக்கும்
இன்னும் சிலருக்கு கர்பப்பை அடி இறங்கும் போது சிறுநீர்ப்பை சேர்ந்து இறங்கும். இதனால் சிறுநீர் கழிப்பதில் சிரமம் அல்லது அடிக்கடி சிறுநீர் கழிப்பது, கர்ப்பப்பையை உள்ளே தள்ளியபிறகு சிறுநீர் கழிக்கும் நிலை என பல்வேறு அறிகுறிகள் இருக்கும்.
கர்ப்பப்பை அடி இறங்கும் போது குடலும் அடி இறங்கும். இது மலம் கழிக்கும் போது சிரமத்தை உண்டு செய்யும்.
கர்ப்பப்பை அடி இறக்கம் இருக்கும் போது உடலுறவு கொள்வதில் சிக்கல் இருக்கலாம்.
நீண்ட காலம் சிகிச்சையளிக்காமல் கர்ப்பப்பை அடி இறங்கி இருந்தால் அது அல்சர் போன்ற பிரச்சனைகளையும் உண்டு செய்யலாம்.
கர்ப்பப்பை அடி இறக்கம் சிகிச்சை முறைகள் என்ன?
கர்ப்பப்பை அடி இறக்கம் சரியாக சிகிச்சை என்பது வயது மற்றும் அதன் அடி இறக்க நிலைகள் பொறுத்து மாறுபடும். கர்ப்பப்பை அடி இறக்கம் 4 நிலையில் எந்த நிலையில் பாதிப்பு என்பது பொறுத்து சிகிச்சைகள் தேவைபடும்.
பாதிக்கபட்டவர் எதிர்கொள்ளும் அறிகுறிகள் என்ன என்பது கேட்டு அறியப்படும். இவர்கள் முதல் நிலையில் இருந்தால் கெகல் பயிற்சி செய்வது மேற்கொண்டு கர்ப்பப்பை அடி இறக்கம் ஆகாமல் தடுக்க செய்யலாம்.
introitus prolapse pessary என்னும் சிகிச்சை முறையில் வளையம் போன்ற கர்ப்பப்பை உள்ளே பொருத்துவது சாதகமாக இருக்கும். அவ்வபோது இந்த வளையத்தை எடுத்து சுத்தம் செய்ய வேண்டும்.
கர்ப்பப்பை அடி இறக்கம் கருப்பை முழுவதுமாக வெளிவந்தால் என்ன செய்வது?
இவர்களுக்கு கெகல் மற்றும் introitus prolapse pessary போன்றவற்றை பரிந்துரைக்க முடியாது. இவர்களுக்கு கர்ப்பப்பை அகற்றுவது தீர்வாக இருக்கும். அதே நேரம் சிறிய வயதில் கர்ப்பப்பை அடி இறக்கம் இருந்தால் தசைநார்கள் உடன் கர்ப்பப்பை வலுவாக இருக்கும்படி அறுவை சிகிச்சை செய்யலாம். கர்ப்பப்பை அடி இறக்கத்தின் போது சிறுநீர்ப்பை அல்லது மலக்குடல் இறக்கினால் அவற்றையும் அறுவை சிகிச்சைமூலமாக சரி செய்ய வேண்டியிருக்கும்.
கர்ப்பப்பை அடி இறக்கத்தை தவிர்க்க முடியுமா?
கர்ப்பப்பை அடி இறக்கம் வருவதை தவிர்க்க பிரசவம் முடிந்த ஆறு மாதங்கள் ஆன நிலையில் கெகல் பயிற்சிகள் செய்யலாம். இது இடுப்பு தசைநார்களை பலமாக்குவதால் கர்ப்பப்பை தளராமல் வைத்திருக்க செய்யும்.
சுகப்பிரசவம் நீண்ட நேரம் வலியை கொண்டு வந்திருந்தால் அதிகமாக முக்கி பிரசவம் ஆனால் மருத்துவரிடம் ஆலோசித்து பயிற்சி செய்ய வேண்டும்.
கடினமான எடை தூக்குவதை நிறுத்த வேண்டும். கர்ப்பப்பை அடி இறக்கம் முதல் நிலையில் கண்டறிந்தால் உடல்பயிற்சி மற்றும் வாழ்க்கை முறை மூலம் கட்டுக்குள் வைக்க முடியும்.
