பண்டிகை காலத்தை முன்னிட்டு ரோனின் பைக்கின் சிறப்பு எடிஷன் மாடல் ஒன்றை வெளியிட்டிருக்கிறது டிவிஎஸ். முன்னதாக, சில நாட்களுக்கு முன்பு ரெய்டர் 125 மற்றும் ரோனின் 225 ஆகிய இரண்டு பைக்குகளின் தொடக்க விலையையும், முறையே ரூ.10,000 மற்றும் ரூ.15,000 வரை குறைத்தது அந்நிறுவனம். அதனைத் தொடர்ந்து தற்போது புதிய ‘ரோனின் ஃபெஸ்டிவ் எடிஷன்’ (Ronin Festive Edition) பைக்கை வெளியிட்டிருக்கிறது டிவிஎஸ்.
டிவிஎஸ் ரோனின் வேரியன்ட்கள்:
ரோனின் பைக்கை, SS, DS, TD மற்றும் TD-ஸ்பெஷன் எடிஷன் என நான்கு வேரியன்ட்களாக விற்பனை செய்து வருகிறது டிவிஎஸ். இதில் அடிப்படையான SS வேரியன்டானது ரூ.1.35 லட்சம் (விலைக்குறைப்பு செய்யப்பட்ட வேரியன்ட்) என்ற எக்ஸ்-ஷோரூம் விலையிலும், டாப் எண்டான TD-ஸ்பெஷல் எடிஷன் மாடலானது ரூ.1.73 லட்சம் என்ற எக்ஸ்-ஷோரூம் விலையிலும் விற்பனை செய்யப்பட்டு வருகிறது.
டிவிஎஸ் ரோனின் ஃபெஸ்டிவ் எடிஷன்:
இந்த ரோனின் ஃபெஸ்டிவ் எடிஷன் மாடலானது, டாப் எண்டான TD வேரியன்டை அடிப்படையாகக் கொண்டு வெளியாகியிருக்கிறது. இதில் மெக்கானிக்கலாகவோ அல்லது வசதிகள் ரீதியாகவோ எந்த மாற்றங்களும் இல்லை. அனைத்து காஸ்மெடிக் மாற்றம் தான்.
TD-ஸ்பெஷல் எடிஷன் மாடலைப் போலான டிசைனில், புதிய நிறத்தில் வெளியாகியிருக்கிறது ரோனின் ஃபெஸ்டிவ் எடிஷன். இந்த புதிய எடிஷனின் பெட்ரோல் டேங்க் மற்றும் சைடு பேனல்களில், மிட்நைட் ப்ளூ நிறத்துடன், ஃப்ளோரஸன்ட் கிரீன் நிறத்திலான ஸ்ட்ரைப்களைக் கொடுத்திருக்கிறது டிவிஎஸ். இந்த புதிய நிறமானது, பைக்கிற்கு புதிய லுக்கைக் கொடுக்கிறது.
டிவிஎஸ் ரோனின் ஃபெஸ்டிவ் எடிஷன்: வசதிகள்
இந்த புதிய ஸ்பெஷல் எடிஷன் மாடலானது, டாப் எண்டு வேரியன்டை அடிப்படையாகக் கொண்டு வெளியாகியிருப்பதால், அனைத்து வசதிகளையும் கொண்டிருக்கிறது.
முக்கியமாக இரண்டு வீல்களிலும் டிஸ்க் பிரேக்குடன் கூடிய டூயல் சேனல் ABS, டியூப்லெஸ் டயர்களுடன் கூடிய 17-இன்ச் அலாய் வீல்கள், முன்பக்கம் USD டெலிஸ்கோபிக் ஃபோர்க் மற்றும் பின்பக்கம் மோனோஷாக் சஸ்பென்ஷன் செட்டப்புகள், T வடிவ DRL-உடன் கூடிய LED விளக்குகள், ஸ்மார்ட்போன் கனெக்டிவிட்டியுடன் கூடிய டிஜிட்டல் இன்ஸ்ட்ரூமென்ட் கிளஸ்டர் ஆகிய வசதிகளைக் கொண்டிருக்கிறது ரோனின் ஃபெஸ்டிவ் எடிஷன்.
டிவிஎஸ் ரோனின் ஃபெஸ்டிவ் எடிஷன்: இன்ஜின் மற்றும் விலை
மெக்கானிக்கலாக எந்த மாற்றமும் இல்லை என்பதால், ஸ்டாண்டர்டான பைக்கில் கொடுக்கப்பட்டிருக்கும் 20.4hp பவர் மற்றும் 19.93Nm டார்க்கை உற்பத்தி செய்யக்கூடிய, 225.9 சிசி, SOHC, 4 வால்வு, ஆயில் கூல்டு, சிங்கிள் சிலிண்டர் இன்ஜினே ஃபெஸ்டிவ் எடிஷன் ரோனினிலும் கொடுக்கப்பட்டிருக்கிறது. இந்த இன்ஜினானது 5 ஸ்பீடு கியர்பாக்ஸுடன் இணைக்கப்பட்டுள்ளது.
இந்த ஃபெஸ்டிவ் எடிஷன் மாடலை ரோனின் TD-ஸ்பெஷன் எடிஷன் விற்பனை செய்யப்படும் அதே ரூ.1.73 லட்சம் எக்ஸ்-ஷோரூம் விலையிலேயே வெளியிட்டிருக்கிறது டிவிஎஸ்.
